E-Flight

E-Flight proiektuaren helburua, aeronautikako propultsio-sistemen elektrifikazioak aeroegituren sektorean sortuko dituen erronkei aurrea hartzea eta erantzuna ematea da, aireontzi elektrifikatuek beharko dituzten eduki teknologiko handiko produktuak, multzoak eta soluzio funtzionalak garatuz. Propultsio-sistemen elektrifikazioa funtsezkoa da aireko garraioa deskarbonizatzeko. Aireontzien isurietan eragin zuzena izateaz gain, haien lana eraginkorragoa eta isilagoa izan dadin eta mantentze-lan-kostuak murrizten laguntzeko bideak ere eskaintzen ditu. Horretarako, aireontziaren eraginkortasunerako eta efizientziarako funtsezkoak diren arlo nagusiak ikertu eta arakatu behar dira, hala nola aeroegiturak eta sistema osagarriak. Hegazkingintzan inoiz erabili ez diren osagai, tamaina eta potentzia berriak dituzten eta guztiz elektrikoak diren sistemak txertatzea eta hartzeak baldintzatzaile berriak sortuko ditu hegazkinaren egituran.

Etorkizuneko aeroegitura guztiz baldintzatuta egongo da propultsio elektriko sistemaren eta energia biltegiratzeko sistema elkartuaren bidez. Sistema hau elektronikoki “txertatu” beharko da aireontzian (Battery Pack). Bateria-produktua, era berean, -beste sektore batzuetan heldutasuna lortu duena, adibidez automobilgintzan-, egokitu egin beharko da aireontzietan modu seguruan txertatzeko. Gainera, sistema osagarri oro, adibidez izotzaren aurkako sistema, elektrifikatu egin beharko da eta txertatzeko-bide paralelo bat egin beharko du. E-Flight proiektua, Euskadiko 4 enpresek (AERNNOVA, INNOMAT, MUGAPE eta ORKLI) sortu duten ekimena da, etorkizuneko hegazkin elektrikoetarako ezinbestekoak diren energia biltegiratzeko sistemak eta sistema elektrikoak integratzen dituzten material berriak, fabrikazio-teknologiak eta aeroegitura-konfigurazioak ikertzeko eta garatzeko. Erronka, egiturazko funtzioa beteko duen eta pisua murrizten lagunduko duen Battery Pack arin bat eratzea da. Beste erronka bat, propultsio-sistema bezalako elementua txertatzea da bere bateria-multzoekin eta sistema osagarriekin (kableatua, segurtasun-elementuak, kudeaketa termikoa), hegazkinaren pisua eta maniobragarritasuna kaltetu gabe.

INNOMAT Tecnalia zentro teknologikoarekin batera lankidetzan duen proiektu honetan, bi helburu ditu:

• Formulazio-gama berri bat garatzea itsaspen handiko estaldurak lortzeko, denboran iraunkorrak izango direnak eta konposite eta/edo aluminiozko substratuen gainean izotzaren aurkako ahalmena izango dutenak (pinturarekin edo gabe). Horiek garatzeko, estaldura-tipologia desberdinetako formulazio eta deposizio-teknologiak konpositezko substratura eta aeronautikako eskakizunetara egokituko dira.
• Formulazio-gama berri bat garatzea, itsaspen handikoa, eroankortasun elektriko onarekin eta material konposatu eta/edo errefortzurako materialen blindaje ezaugarriak izango dituena eta konpositearekin busti daitekeena. Horiek garatzeko, estaldura polimerikoen deposiziorako formulazio eta teknologiak eta eskatutako blindaje-ezaugarria eduki dezaketen materialak, konpositeko substratura eta aeronautikako eskakizunetara egokituko dira.

E-FLIGHT” proiektua Eusko Jaurlaritzako HAZITEK – Enpresen I+G-ari Laguntzeko Laguntza Programaren eskutik finantzatu da. Jarduera hori Eusko Jaurlaritzak (Ekonomiaren Garapen, Jasangarritasun eta Ingurumen Sailaren bidez) eta Europar Batasunak (Eskualde Garapeneko 2021-2027 Europako Funtsaren (EGEF) bidez) finantzatzen dute batera.